مدير الكرة بالزمالك يفجّرها: “استأذنت إنبي رسميًا.. ومشيت بشرف”

رد عبد الناصر محمد، مدير الكرة بنادي الزمالك، بقوة على تصريحات أيمن الشريعي، رئيس نادي إنبي، التي شكك فيها ضمنيًا بانتقاله للعمل في الزمالك رغم أنه كان لا يزال على ذمة نادي إنبي إداريًا.

وقال عبد الناصر محمد في تصريحات إعلامية: “أنا بشتغل باحترافية ومركز مع الزمالك، ومرتاح جدًا في بيتي الجديد، ومن ساعة ما استلمت المنصب وأنا متفرغ تمامًا لخدمة الفريق”.

وأضاف: “أنا مشيت من إنبي بإذن رسمي بعد 40 سنة خدمة، ومن وقتها مدخلتش النادي، وده الطبيعي لما يكون فيه احترام متبادل بين الطرفين”.

وعن هجوم الشريعي، قال: “بصراحة مش فاهم مغزى التصريحات اللي قالها رئيس إنبي عني، وأنا عمر ما كنت هاخد خطوة من غير ما أمشيها بطريقة رسمية ومحترمة، والتاريخ يشهد على كده”.

واختتم عبد الناصر محمد حديثه مؤكدًا على اعتزازه بفترة عمله الطويلة في إنبي، قائلًا: “ده بيتي اللي قضيت فيه عمر، وعلاقتي بكل مسؤوليه مازالت قوية، واللي مالوش خير في القديم عمره ما هيبقى له خير في الجديد”