عبد الناصر محمد يتحدى: “تركيزي الكامل مع الزمالك.. واللي فات اتقفل خلاص”

أكد عبد الناصر محمد، مدير الكرة الجديد في الزمالك، أنه لا يشغل باله بأي تصريحات خرجت مؤخرًا من إدارة نادي إنبي حول رحيله عن الفريق، مشددًا على أن تركيزه الكامل الآن مع نادي الزمالك فقط.

وقال عبد الناصر في تصريحات صحفية: “أنا حاليًا في مهمة مع نادي كبير اسمه الزمالك، وكل طاقتي موجهة نحو الفريق عشان نحقق الأهداف اللي بنسعى ليها كلنا”.

وأشار إلى أنه لم يتجاوز في إجراءات انتقاله من إنبي، موضحًا: “أنا واخد إذن رسمي من إدارة إنبي، ومن يومها وأنا متواجد فقط في الزمالك. اللي بيني وبين إنبي علاقة احترام ومحبة، ومش ممكن أنسى فضلهم”.

وعن الجدل الدائر بسبب تصريحات أيمن الشريعي، علق قائلاً: “بشتغل باحتراف، ومش فاهم المغزى من الكلام اللي اتقال مؤخرًا، لكن أنا مش هرد على حد، أنا برد بشغلي”.

عبد الناصر محمد ختم حديثه برسالة ضمنية، قائلاً: “أنا من الناس اللي بتعرف تحفظ الجميل، وكل مرحلة وليها وقتها، واللي فات اتقفل خلاص، دلوقتي أنا مع الزمالك، وبس”