الدنيا ماوقفتش على تليفون.. مصطفى بكري يطالب «مدبولي» بإعفاء هواتف المصريين بالخارج من الجمارك

ناشد الإعلامي مصطفى بكري رئيس مجلس الوزراء بضرورة حل أزمة الرسوم الجمركية على الهواتف المحمولة المستوردة من الخارج.

وقال الإعلامي مصطفى بكري خلال برنامج «حقائق وأسرار» المذاع على قناة «صدى البلد» تليفونات المصريين بالخارج مش هتضر الصناعة الوطنية، والتعامل مع الملف ده لازم يكون بعقل وحكمة ومن غير ما نخلق أزمات ملهاش لازمة.

وأضاف بكري: «ليه أقدّم فرصة للخلايا النائمة في الخارج وتحوّل الموضوع لقضية؟ وأنا بخاطب السيد رئيس الوزراء: يا فندم القضية دي لازم تتحل، المصريين بالخارج بيدخلوا لمصر حوالي 37 مليار دولار سنويًا، والدنيا ماوقفتش على تليفون ولا 2 جايين من برّه«.

وتساءل بكري: «لو مواطن جاي مصر هو وأسرته ومعاهم تليفوناتهم، ندفعهم رسوم ليه؟، مؤكدًا إن البلد مش محتاجة مشاكل جديدة، ولا يصح نفجّر مشكلة على الفاضي، خاصة في وقت محتاجين فيه تهدئة ودعم الثقة مع المصريين بالخارج».

واختتم مصطفى بكري: «بعمل مشاكل ليه ولمصلحة مين.. بزعل الناس ليه.. البلد دي كانت مخطوفة والجيش والشرطة والشعب رجعوها.. ليه بصطنع مشاكل وبفجر كل شوية حتة.. المفروض كلنا صف واحد كما أكد الرئيس السيسي بعدم اصطناع مثل تلك المشاكل».