تامر حسني يكشف تفاصيل مرض ابنه آدم ويشكر جمهوره: “دعواتكم كانت السند في أصعب لحظة”

وجه الفنان تامر حسني رسالة مؤثرة لجمهوره عبر حساباته الرسمية، كشف فيها عن تعرض ابنه آدم لوعكة صحية مفاجئة، تطلبت إجراء عمليتين جراحيتين خطيرتين نتيجة انفجار الزائدة الدودية، بعد أن بدأت الأعراض بارتفاع بسيط في درجة الحرارة فقط.

وقال تامر: “أنا مش عارف أشكركم إزاي على كمّ الدعوات اللي جاتلي منكم… آدم عمل عمليتين كبار بسبب انفجار الزايدة، واللي كانت أعراضها سخونية عادية خالص. بقول كده عشان كل واحد ياخد باله من ولاده… مش كل سخونية تبقى برد”.

وأضاف الفنان: “أنصح كل أب وكل أم، لو في حرارة مستمرة، اعملوا سونار على البطن، حتى لو مرة واثنين، لأن الزايدة ساعات مش بتظهر بسهولة، ولازم الدكتور يكون عنده خبرة في الضغط على مكانها علشان يعرف”.

وأكد أن الأيام الأخيرة كشفت له عن كمّ الحب والدعاء الذي وصله من جمهوره ومحبيه، قائلًا: “أنا شايف قلب كل حد دعا من قلبه… شكراً لكل اللي سأل، واللي دعى، واللي طلع صدقة لشفاء ابني من غير ما يعرفنا شخصياً”.

وختم رسالته بالدعاء: “يا رب، بحق كن فيكون، اشفيه وعافيه، هو وكل أولادنا… وإن شاء الله يعدي مرحلة الخطر، هو راجل وهيتحمل، وربنا يحفظه ويحفظ كل ولادكم يا رب”