سيد عبدالحفيظ: تلوموا اللي كتب اللائحة مش الأهلي… والكارثة في بند “عدم الطعن”

فتح سيد عبدالحفيظ، مدير الكرة السابق بالنادي الأهلي، النار على منتقدي موقف النادي الأحمر من أزمة خصم النقاط، مؤكدًا أن الأزمة الحقيقية ليست في رد فعل الأهلي، بل في اللوائح التي وافقت عليها الأندية دون مراجعة، وخاصة البند الذي يمنع الطعن على القرارات.

وفي تصريحات قوية عبر قناة “MBC مصر”، قال عبدالحفيظ: “الناس كلها بتلوم الأهلي، بس السؤال هو: بتلوموا الأهلي ليه؟! المفروض اللوم يروح للي كتب اللائحة دي، واللي حط فيها بند يمنع الطعن على القرارات، وكمان المفروض تلوموا الأندية اللي وافقت على اللائحة وهي مش واخدة بالها أو مش معترضة”.

وأضاف: “إحنا عندنا في مصر كارثة اسمها أن مافيش حد بيراجع اللوائح، ولا حد بيتوقف عند البنود، الكل يوافق وبعد كده يشتكي! إحنا وقعنا في مشكلة حقيقية بسبب بند واضح وصريح، واللي عايز يحاسب لازم يبدأ من الأصل”.

تصريحات عبدالحفيظ تسلط الضوء على غياب الشفافية والمراجعة القانونية داخل الجمعيات العمومية للأندية، في وقت تتصاعد فيه الأزمة بين أطراف الدوري المصري بشأن تباين تطبيق اللوائح وتضارب القرارات الصادرة من لجان اتحاد الكرة.