أسامة نبيه ينفجر بعد الخروج من أمم إفريقيا: تأهلنا مش “شق أنفس”… والمشكلة في اللي مش فاهم كورة
الجمعة، 16 مايو 2025 06:16 م

أسامه نبيه
ثابت عبد الغفار
شن أسامة نبيه، المدير الفني لمنتخب مصر للشباب، هجومًا لاذعًا على منتقدي الفريق بعد الخروج من بطولة أمم إفريقيا تحت 20 سنة أمام المغرب، مؤكدًا أن المنتخب قدّم ما عليه وحقق التأهل إلى كأس العالم عن جدارة، رافضًا وصف الإنجاز بأنه جاء “بشق الأنفس”، ومتهماً البعض بعدم المتابعة أو الفهم الحقيقي للواقع الكروي.
وقال نبيه في تصريحات صادمة عقب نهاية مشوار المنتخب: “صعودنا لكأس العالم مكانش بشق الأنفس، إحنا صعدنا بـ7 نقاط زي أي منتخب تاني. شق الأنفس ده لما تكون داخل بـ3 نقاط أو بأداء ضعيف، لكن إحنا قدمنا اللي يخلينا نصعد بشكل محترم. النغمة دي مش حاببها، والناس بترددها من غير ما تراجع التفاصيل”.
وواصل نبيه دفاعه عن لاعبيه: “المنتخب ده عمل إنجاز كبير، ويمكن أنتم مش متابعين كويس. الفريق ده مرّ عليه 3 أجهزة فنية، وتغييرات كتير، ورغم كده قدر يوصل لكأس العالم. المشكلة إن فيه ناس بتحكم من منطق جماهيري أو عاطفي مش فني، ولازم الكل يعرف هو ممكن يوصل في الكرة لحد فين، بناءً على إمكانياته”.
وانتقل نبيه للحديث عن احترام اللعبة والتنظيم قائلاً: “اللي عاوز يتفرج على كورة ممتعة ويروح يشوف خماسي. هناك الناس بتشتغل باحتراف وبتحترم بعض، وبتعرف يعني إيه نظام. أما عندنا فالمشكلة دايمًا إننا بننتقد لمجرد النقد، من غير ما نشوف الصورة كاملة”.
تصريحات نبيه جاءت بعد خروج المنتخب المصري للشباب من البطولة الإفريقية رغم ضمان التأهل للمونديال، وسط حالة من الجدل في الشارع الرياضي حول أداء الفريق وأسلوب اللعب، ما دفعه للرد بقوة على ما وصفه بـ”التقليل غير المبرر” من إنجاز الصعود.
نسخ الرابط للمقال
آخبار تهمك
رئيس مدينة بورفؤاد : استمرار أعمال تطوير ورفع كفاءة شارع المعتصم بالله
09 يوليو 2025 07:43 م
محافظ الدقهلية في اللقاء الدوري مع أعضاء مجلسي النواب والشيوخ
09 يوليو 2025 07:38 م
حملة إعادة صياغة الوحدات المحلية تصل قرى طنطا
09 يوليو 2025 07:32 م
محاضر مخالفات بمخابز ميت البيضا ومدينة الباجور للتلاعب فى وزن رغيف الخبز
09 يوليو 2025 07:30 م
نائب محافظ الوادي الجديد تتفقد وحدة الكشف المبكر للأورام بالخارجة
09 يوليو 2025 07:28 م
أكثر الكلمات انتشاراً