هشام نصر يفتح النار: الأهلي حلم اللاعبين.. والمنافسة ماتت

في تصريحات أثارت جدلًا واسعًا، أطلق هشام نصر، نائب رئيس نادي الزمالك، هجومًا مبطنًا على حالة الرياضة المصرية حاليًا، متحدثًا عن هيمنة النادي الأهلي وتراجع الحلم الوطني لصالح الطموح الفردي.

وقال نصر خلال ظهوره الإعلامي: “رسالتي الأخيرة إن نفسي المسؤولين عن الرياضة يهتموا بالرياضة كلها، مش بس كرة القدم، ومش نادٍ واحد فقط”، مضيفًا: “زمان، كان حلم أي لاعب يروح منتخب مصر، وده كان شرف كبير لأي رياضي… دلوقتي الوضع اختلف تمامًا، بقت كل طموحات اللاعبين إنهم يروحوا نادي معين”.

وأكمل نصر بلهجة ناقدة: “كل الناس عايزة تروح الأهلي، سواء في الكرة أو الصالات، والسبب إن المنافسة بقت ضعيفة، وكل الأضواء بتتجه ناحيته، وده بيأثر على قيمة الدوري نفسه”.

وأشار نائب رئيس الزمالك إلى أن قيمة الدوريات القوية في العالم ترتبط بالمنافسة الشرسة، موضحًا: “القيمة السوقية لأي دوري بتزيد لما المنافسة تبقى قوية، إنما لما يبقى في نادٍ واحد بيكتسح كل البطولات، المشهد بيضعف بالكامل”.

وضرب مثالًا من الدوري الإسباني قائلاً: “برشلونة كان عنده أزمة مالية ومشكلة في قيد لاعبين، تتخيل مين اللي دعمه؟ ريال مدريد! ولما اتسألوا قالوا: لا، إحنا بندعم الدوري كله، لأن العالم بيتفرج علينا، والديربي بينا بيكسبنا شهرة وفلوس”.