“هل نُكافئ كبر السن؟”.. محمد صلاح ينتقد صفقة الزمالك ويطالب بالحسم

انتقد محمد صلاح، نجم الزمالك السابق، تعامل إدارة النادي مع صفقة عبد الله السعيد، مؤكدًا أن التفكير في منحه راتبًا ضخمًا في هذا العمر هو قرار خارج عن المنطق ويهدد استقرار غرفة الملابس.

وفي تصريحات مثيرة، قال صلاح: “عبد الله السعيد في الأربعين مش 25 سنة، لو حد هيقدر يدفعله أكتر من الزمالك، يمشي! ماينفعش نكافئ كبر السن بعقود كبيرة، كده هنخلق فتنة في الفريق، وكل لاعب هيطلب نفس الرقم”.

وأضاف: “للأسف إحنا ماشيين عكس العالم، بره كل ما اللاعب يكبر في السن راتبه بيقل، لكن هنا بنزودله الراتب ونسميه نجم الصفقة، وده بيولّد غضب في باقي اللاعبين”.

وحذّر من أن ضم السعيد بهذا الشكل قد يؤدي إلى اضطراب في سقف التعاقدات، مما يُصعّب من تجديد عقود لاعبين شباب مثل زيزو وغيره، وقال: “أنا مش بقول إن زيزو هيسبب أزمة، بس لما يشوف اللي حواليه بياخدوا أرقام كبيرة، طبيعي يطلب زيه، واللوم هنا على الإدارة”.

ووجّه محمد صلاح رسالة واضحة إلى مسؤولي الزمالك: “يا إمّا عندكم سقف واضح لكل الصفقات، يا إمّا كل لاعب هيجي يقولك أنا عايز نفس اللي أخده عبد الله السعيد!”.

وأشار إلى أن الاستقرار المالي في أي فريق يبدأ من إدارة عادلة، وختم قائلاً: “عبد الله السعيد لاعب كبير، لكن قرارات التعاقد لازم تكون بعقل مش بعاطفة”