الزمالك يوقف ناصر ماهر ويحيله للتحقيق ويوصي بخصم 25% من مستحقاته

كشف الإعلامي إبراهيم فايق خلال برنامجه الكورة مع فايق أن نادي الزمالك قرر إيقاف ناصر ماهر لاعب وسط الفريق الأول عن المشاركة في التدريبات والمباريات، مع إحالته رسميًا للتحقيق أمام الشؤون القانونية بالنادي، وذلك على خلفية واقعة لم يتم الإعلان عنها بشكل كامل حتى الآن.

وقال فايق في برنامجه:

“القرار جاي بناءً على تقرير فني وإداري، وهناك توصية من جهاز الكرة لمجلس الإدارة بخصم 25% من مستحقات ناصر ماهر.. يعني رقم كبير وقرار مش سهل، وده معناه إن في حاجة مش بسيطة حصلت جوه النادي، بس التحقيق هو اللي هيحسم الحقيقة.”

وأضاف:

“ناصر ماهر من اللاعبين اللي جُم الزمالك بتوقعات كبيرة، لكن واضح إن في أزمة أو موقف خلا الإدارة تاخد موقف صارم بالشكل ده.. وكلنا مستنيين نعرف التفاصيل كاملة بعد التحقيق، لأن ده توقيت حساس والزمالك مش ناقص تشتيت.”

وأكد فايق إن الساعات القاذمة هتكون حاسمة جدًا في تحديد مصير اللاعب، سواء باستمراره أو إمكانية عرضه للبيع أو خروجه عن قائمة الفريق مستقبلًا، حسب ما ستكشف عنه نتائج التحقيقات.