مصطفى بكري: المساس بالسيسي إعلان حرب ومساس بـ 110 مليون مصري

قال مصطفى بكري في برنامج «حقائق وأسرار» على قناة «صدى البلد»:" المساس بـ عبد الفتاح السيسي هو مساس بـ 110 مليون مصري، هو إعلان حرب، وأنا أعني ما أقول، هي مؤامرة حقيقية".

أضاف مصطفى بكري:" أنت بتهدد مين، أنتو ما تعرفوش المصريين ولا ايه؟ اللي عملوها في 6 أكتوبر مثلما قال سيادة الرئيس يقدروا يعملوها 1000 مرة".

أتم مصطفى بكري:" والله انتوا غلابة ولا تعرفوا قوة الجيش المصري، ولا تعرفوا عناد المصريين، دمنا مصر وجيناتنا مصرية، الأرض دي نموت علشانها، انتوا نسيتوا الشهداء اللي في سيناء، نسيتوا كيف دافع الشعب المصري عن أرضه وترابه وهويته، اغتريتم بالقوة؟".

وجاءت تصريحات الإعلامي مصطفى بكري بعد نشر الصحافة الإسرائيلية «صحيفة جيروزاليم بوست» مقال بعنوان.. السيسي : مصر لن تشارك في عمل ظالم لتهجير الفلسطينيين، متابعا المقال ده نازل معاه صورة للرئيس السيسي مع الرئيس الإيراني الراحل إبراهيم رئيسي واللي هناك شكوك حول اغتياله، بأيادي اسرائيلية هو ووزير خارجيته بتفجير طائرته الرئاسية من كام شهر، وده على الرغم من  ان الموضوع اللي بيتناوله المقال مافيهوش أي كلمة عن إيـــــران ولا ليه أي علاقة بيها من قريب أو بعيد.

وأوضح مصطفى بكري أن الرسالة واضحة أن إسرائيل باعته رسالة تهديد بالشفرة للرئيس السيسي بتقوله لو فضلت على موقفك احنا نقدر نوصلك ، والرسالة المشفرة دي اتبعتت عن طريق وضع هذه الصورة اللي مالهاش أي موقع من الإعراب في المقال سوى انها رسالة مشفرة مبعوتة بطريقة «حرب الصورة» لمن يهمه الأمر ، لكنهم ميعرفوش مين هو السيسي اللي عمره ما خاف واللي قال للعالم كله ان رفض التهجير مش موقفي لوحد ده موقف شعب وأمة 

https://www.youtube.com/watch?v=Dr33x-34Zz8